انروا کے فنڈز میں کمی کرنا غیر انسانی ہے: ایمنسٹی انٹرنیشنل

ایمنسٹی انٹرنیشنل نے کہا ہے کہ متعدد حکومتوں کا انروا کے فنڈز میں کمی کرنا غیر انسانی ہے۔

متعدد ممالک کی جانب سے اقوامِ متحدہ کی امدادی ایجنسی کی فنڈنگ روکنے کے معاملے پر ایمنسٹی انٹرنیشنل کی جانب سے یہ بیان میںکہا گیا ہے۔

ایمنسٹی انٹرنیشنل نے مطالبہ کیا ہے کہ فنڈز روکنے والے ممالک اپنا فیصلہ واپس لیں، فنڈنگ روکنے سے 20 لاکھ فلسطینیوں کو مزید مصائب کا سامنا کرنا پڑے گا۔

اسرائیلی الزام، یورپی کمیشن نے بھی انروا کی امداد روک دی

7 اکتوبر حملوں میں یو این امدادی ایجنسی (انروا) کارکنوں کے ملوث ہونے کے اسرائیلی الزام کے بعد یورپی کمیشن نے بھی اقوام متحدہ کی امدادی ایجنسی کی امداد روک دی۔

بیان میں ایمنسٹی انٹرنیشنل نے کہا ہے کعہ فلسطینی پہلے ہی نسل کشی اور ایک انجنیئرڈ قحط کے خطرے کا سامنا کر رہے ہیں۔

ایمنسٹی انٹرنیشنل کے عہدیدار کا کہنا ہے کہ یہ شرم ناک ہے کہ امریکا، کینیڈا، برطانیہ، جرمنی، آسٹریلیا اور فرانس نے انروا کی امداد روکی ہے۔

ایمنسٹی انٹرنیشنل کا یہ بھی کہنا ہے کہ اسرائیل اور دائیں بازو کے گروپوں نے انروا کے خلاف کئی سال سے مہم شروع کر رکھی ہے۔