پاکستان مسلم لیگ ن کے ایم این اے حمزہ شہباز شریف کا کہنا ہے کہ عمران خان کو اگر وزیر اعظم بننے کا اتنا ہی شوق ہے تو شیروانی ہم سلوا دیتے ہیں، وہ پہن کر گھومیں،ہم انہیں وزیر اعظم کہہ کر ہی بلا لیں گے، احتساب کا نعرہ لگانے والے اپنے گریبان میں جھانکیں۔
لاہور میں حمزہ شہباز شریف نے تھیلیسیمیا کے مرض میں مبتلا بچوں کی علاج گاہ سندس فائونڈیشن کا دورہ کیا اور مریضوں میں تحائف بھی تقسیم کئے، اس موقع پر میڈیا سے گفتگو میں حمزہ شہباز کا کہنا تھا کہ احتجاج کرنا اپوزیشن کا حق ہے ا ور یہی جمہوریت کا حسن بھی، لیکن ایسا کرنے والے پہلے خود کے گریبان میں جھانکیں۔
انہوں نے کہا کہ نواز شریف نے سپریم کورٹ کے چیف جسٹس کو خود خط لکھا،جسکے دل میں چور ہوتا ہے وہ خود کو احتساب کے لئے پیش نہیں کرتا، عمران خان نے ایک سو چھبیس دن پہلے بھی قوم کا وقت ضائع کیا ہے۔
حمزہ شہباز کا کہنا تھا کہ اب پاکستان کے پاس اتنی گنجائش نہیں کہ تقریروں سے عوام کا پیٹ بھر سکیں، حکومت میں آنے کے لئے عوام کی خدمت کرنا پڑتی ہے اور قربانیاں دینی پڑتی ہیں۔
فرمان الہی
نماز کے اوقات
