لندن ( جنگ نیوز ) عالمی نمبر ون امریکا کی ٹینس کھلاڑی سرینا ولیمز کی ریکارڈ ساتویں ومبلڈن ٹائٹل کی جانب پیشقدمی جاری ہے۔ انہوں نے تیسرے رائونڈ میں جرمن حریف انیکا بیک کو اسٹریٹ سیٹس میں زیر کرلیا ۔ دوسرے راؤنڈ میں عالمی نمبر تین پولینڈ کی اگنیسکا راڈونسکا نے اسپین کی کترینا سنیاکووا کو سٹریٹ سیٹس میں شکست دی ۔ سلواکیہ کی ڈومنیکا سبلکووا نے کینیڈا کی یوجینی بوشارڈ کو مات دے کر تیسرے راؤنڈ کےلئے کوالیفائی کیا۔مینز سنگلز میں ٹامس برڈیچ نے الیگزینڈر زویریف چار سیٹ کے مقابلے میں سخت مزاحمت کے بعد ہرایا۔ سب سے دلچسپ مقابلہ فرانس کے جوولفریڈ سونگا اور امریکا کے جون اسنر کے درمیان جو پانچ سیٹ تک جاری رہنے کے بعد سونگا کے حق میں ختم ہوا۔ خواتین کے مقابلوں میں تجربہ کار روسی کھلاڑی سویتلانا کزنٹسووا نے امریکی سلون اسٹیفنز کا چیلنج رفع کیا۔ نمبر تین سیڈ پولینڈ کی اگنیسکا راڈونسکا نے جہوریہ چیک کی کیٹرینا سیناکووا کو ٹھکانےلگایا۔ دریں اثنا اعصام الحق قریشی کا ومبلڈن چیمپئن شپ کے دوسرے راؤنڈ میں سفر تمام ہوگیا، انہیں میکس میرانی اور ٹریٹ ہوئے کے ہاتھوں شکست کا سامنا کرنا پڑا۔
فرمان الہی
نماز کے اوقات
