این اے 127 لاہور میں ووٹوں کی مبینہ خریدو فروخت، تحقیقاتی کمیٹی قائم کرنے کی ہدایت

این اے 127 لاہور میں ووٹوں کی مبینہ خریدو فروخت کا معاملہ پر الیکشن کمیشن نے تحقیقات کے لیے کمیٹی قائم کرنے کی ہدایت کر دی۔

قومی اسمبلی کے حلقے این اے 127 لاہور میں ووٹوں کی مبینہ خرید و فروخت کے معاملے پر الیکشن کمیشن نے نوٹس لے لیا۔

عطا تارڑ نے پیپلز پارٹی پر این اے 127 میں ووٹ خریدنے کا الزام لگا دیا

عطا تارڑ نے کہا کہ سندھ سے گاڑیوں کے ذریعے پیسے لائے گئے ہیں، کمیشن ایجنٹ مقرر کیے گئے جو زیادہ ووٹ لائے گا اس کا زیادہ کمیشن ہے۔

 ایڈیشنل ڈی جی الیکشن کمیشن ندیم حیدر نے صوبائی الیکشن کمشنر پنجاب کو خط میں کہا کہ ووٹ خریدنے کے معاملے کی تحقیقات کے لیے کمیٹی تشکیل دی جائے۔

الیکشن کمیشن نے کہا کہ معاملے کی تحقیقات کر کے جامع رپورٹ الیکشن کمیشن کو بھجوائی جائے۔

واضح رہے کہ گزشتہ روز پیپلز پارٹی اور مسلم لیگ ن نے ایک دوسرے پر ووٹ خریدنے کا الزام لگایا تھا۔