• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں حکومت سازی پر ن لیگ کی جے یو آئی سے معذرت

تازہ ترین
قومی خبریں
21 فروری ، 2024
بلوچستان میں حکومت سازی پر ن لیگ کی جے یو آئی سے معذرت

مسلم لیگ (ن) نے جمعیت علماء اسلام (ف) سے بلوچستان میں حکومت سازی پر معذرت کرلی۔

اسلام آباد میں ماضی کی اتحادی جماعتوں ن لیگ اور جے یو آئی کے وفود کی ملاقات کی اندرونی کہانی سامنے آگئی۔

اس موقع پر جے یو آئی نے بلوچستان میں حکومت سازی سے متعلق بات کی تو اسحاق ڈار نے معذرت کی اور کہا کہ آپ نے دیر کردی ہے۔

نئے چیئرمین سینیٹ کیلئے یوسف رضا گیلانی موسٹ فیورٹ امیدوار

مسلم لیگ (ن) اور پیپلز پارٹی میں حکومت سازی کا فارمولہ طے پانے کے بعد چیئرمین سینیٹ سے متعلق مشاورت شروع ہوگئی۔

ن لیگی سینیٹر اسحاق ڈار نے جے یو آئی وفد کو بتایا کہ مسلم لیگ (ن) بلوچستان میں شراکت اقتدار کےلیے پیپلز پارٹی سے معاہدہ کرچکی ہے، اب اعلیٰ قیادت ہی اس پر کوئی فیصلہ کرسکتی ہے۔

عبدالغفور حیدر ی نے ن لیگ وفد سے ملاقات میں بلوچستان میں حکومت سازی پر مشاورت کی اور کہا کہ جےیو آئی اور ن لیگ کم از کم بلوچستان میں حکومت بناسکتی ہیں۔

اس پر اسحاق ڈار نے کہا کہ گزشتہ چار دن سے آپ سے رابطہ کر رہے تھے لیکن رابطہ نہیں ہوا، ہم تو چاہتے تھے کہ مل کر چلا جائے لیکن مولانا آپ نے بہت دیر کردی۔

پنجاب کا آج سے نیا دور شروع ہوگا، مریم نواز

مسلم لیگ (ن) کی چیف آرگنائزر اور نامزد وزیراعلیٰ پنجاب مریم نواز نے کہا ہے کہ پنجاب کا آج سے نیا دور شروع ہوگا، صوبے کے عوام نے ن لیگ کو واضح مینڈیٹ دیا۔

انہوں نے مزید کہا کہ اب ہم نے پیپلز پارٹی کے ساتھ شراکت اقتدار کا معاہدہ کر لیا ہے،ن لیگ بلوچستان میں پیپلزپارٹی کے ساتھ مل کر حکومت بنانے والی ہے۔

ن لیگی سینیٹر نے یہ بھی کہا کہ جے یو آئی اور ہمارا پرانا ساتھ ہے، ہم گرم سرد موسم میں ساتھ چلے ہیں، جے یو آئی کی پیشکش کے حوالے سے اعلیٰ قیادت کو آگاہ کیا جائے گا۔

اسحاق ڈار نے جے یو آئی وفد کو جواب دیا کہ اب اعلیٰ قیادت ہی اس پر کوئی فیصلہ کرسکتی ہے۔

قومی خبریں سے مزید