چین کا نیا سال اور شاندار تہوار

چائنیز نیو سال، جسے بہار کا تہوار بھی کہا جاتا ہے، چینی قمری کیلنڈر کے پہلے مہینے کے پہلے دن آتا ہے اور یہ چین کا سب سے اہم تہوار ہے۔ چائنیز نیو سال کے موقع پر، ہر گھر میں سرخ جوڑے چسپاں کیے جاتے ہیں، آتش بازی اور پٹاخے چلائے جاتے ہیں اور ساتھ ہی بری روحوں سے بچنے کیلئے اپنے گھروں کو روشن اور صاف رکھا جاتا ہے۔ نئے سال کی ابتدائی صبح، لوگ عام طور پر رشتہ داروں اور دوستوں سے ملکر دعاؤں اور نیک خواہشات کا تبادلہ کرتے ہیں۔یہ رسم و رواج ہزاروں سالوں سے نسل در نسل منتقل ہوتے چلے آ رہے ہیں۔ چینی نئے سال کی تعطیلات کے دوران، لوگ اپنے مصروف نظام الاوقات کو ایک طرف رکھتے ہیں اور اپنے خاندانوں کیساتھ دوبارہ ملنے کیلئے گھر واپس جاتے ہیں۔ رات کے کھانے کی میزوں کے اردگرد جمع، خاندان نئے سال کی شام کی شاندار دعوت سے لطف اندوز ہوتے ہیں، کہانیوں اور باتوں کا تبادلہ کرتے ہیں اور گزشتہ سال کی خوشیوں اور کامیابیوں کی یاد تازہ کرتے ہیں، آنیوالے سال میں امن، خوشحالی اور خوشی کیلئے دعا کرتے ہیں۔ پچھلے کچھ سالوں میں، تیز رفتار اقتصادی اور سماجی ترقی کیساتھ، چائنیز نیو سال کو منانے کے روایتی طریقے اب بدل گئے ہیں۔ نئے سال کی تعطیلات کے دوران سفر، خریداری اور سینما گھروں میں جانے جیسی سرگرمیاں نئے رسم و رواج میں تبدیل ہو گئی ہیں، جو چائنیز معاشرے میں ہونیوالی ترقی اور تبدیلیوں کی عکاسی کرتی ہیں اور چائنہ کے جدید اورنئے ماحول کو ظاہر کرتی ہیں۔اعداد و شمار سے پتہ چلتا ہے کہ 2024ء چینی نئے سال کی تعطیلات (10 سے 17 فروری) کے دوران چین میں لوگوں کی کل کراس ریجنل نقل و حرکت 2.293بلین تک پہنچ گئی۔ نئی پالیسیوں کی فراہمی اور فروغ جیسے مختلف شعبے، شہری اور دیہی باشندوں کی سفر کرنے کی خواہش میں اضافہ ہوا، مسافروں کی تعداد اور کل اخراجات نے نئے تاریخی ریکارڈ بنائے۔ چائنہ کی ثقافت اور سیاحت کی وزارت کی پیمائش کے مطابق نئے سال کی 8 روزہ تعطیلات کے دوران ملکی سیاحوں کی تعداد 474ملین تک پہنچ گئی، جس میں سال بہ سال 34.3فیصد اضافہ ہوا۔ کل گھریلو سیاحتی اخراجات 632.687بلین یوآن (RMB) تھے، جو کہ سال بہ سال 47.3 فیصد زیادہ ہے۔ ساتھ ہی بیرون ملک سفر بھی زوروں پر تھا۔ چین کے ’’ویزا فری حلقہ احباب‘‘ کی مسلسل توسیع کیساتھ بیرون ملک سے آنیوالے سیاحوں نے ایک بار پھر چائنہ کے نئے سال کو عالمی سیاحت کیلئے ایک چوٹی کا موسم بنا دیا اور ایک نیو نام دیا ہے۔اِس سال چائنہ کی تعطیلات کے دوران تقریباً 6.83 ملین بیرون ملک سیاحوں کا مشاہدہ کیا گیا، جن میں تقریباً 3.6 ملین بیرونی سیاح اور 3.23 ملین اندرون ملک سیاح تھے۔ چینی نئے سال کے دوران کاروبار معمول کے مطابق تھا۔ چاہے ای کامرس پلیٹ فارمز پر ہوں یا آف لائن بازاروں میں، نئے سال کے سامان کی خریداری کیلئے لوگوں کا جوش مسلسل بڑھتا ہی جا رہا ہے۔ 17 فروری 2024ء تک، ’’آن لائن شاپنگ فیسٹیول‘‘ کے دوران کل آن لائن خوردہ فروخت تقریباً 1.2 ٹریلین یوآن تک پہنچ گئی، جس میں پچھلے سال کے مقابلے میں روزانہ تقریباً 9فیصد اضافہ ہوا۔ نئے سال کے موقع پر، چین میں کچھ بڑی ہائپر مارکیٹس میں فروخت پچھلے سال کے مقابلے میں تقریباً 20 فیصدبڑھ گئی۔ شوگر فری پیسٹری، ہیلتھ کیئر گفٹ باکسز اور کم چکنائی والے اسنیکس کی فروخت میں تیزی سے اضافہ دیکھنے میں آیا ہے، جبکہ سبز مصنوعات اور خدمات جیسے توانائی بچانے والے گھریلو آلات اور کم کاربن ٹرانسپورٹیشن کی بہت زیادہ کوشش کی گئی۔ چینی روایتی ثقافتی خصوصیات کیساتھ ساتھ قومی انداز اور دلکشی کی عکاسی کرنیوالی اشیا مارکیٹ میں نئی پسندیدہ بن گئی ہیں۔ لوگوں کا اجناس کا حصول سبز، صحت، تکنیکی ذہانت، اور ثقافتی خصوصیات پر تیزی سے توجہ کا مرکوز بنتا ہے۔ نئے سال کی شام کے شاندار عشائیے اور خصوصیات کے علاوہ، ثقافتی دعوتوں کے ایک سلسلے نے چائنیز نئے سال کے ماحول کو مزید بھرپور اور متحرک بنا دیا ہے۔ اس نئے سال کے سیزن کے دوران فلموں کا کل باکس آفس 8 بلین یوآن RMB سے تجاوز کر گیا، جس نے چین کی فلمی تاریخ میں ایک نیا ریکارڈ قائم کیا اور فلم مارکیٹ کیلئے ایک بلاک بسٹر آغاز کیا۔ ابتدائی اعدادوشمار کے مطابق، چائنہ کے نئے سال کے دوران ملک بھر میں تقریباً 150,000 بڑے پیمانے پر ثقافتی سرگرمیاں منعقد کی گئیں، جن میں گاؤں کی گالا پرفارمنس، دیہی اوپیرا شو، نئے سال کی پینٹنگ شوز، اور لائبریریوں میں قمری سال کی تقریبات شامل ہیں، جن میں تقریباً 669 ملین افراد نے آن لائن اور آف لائن شرکت کی ہے۔ آج کل، چائنیز نئے سال کی اہمیت اب صرف چین تک محدود نہیں رہی، بلکہ چائنہ کے نئے سال کی تقریبات آہستہ آہستہ چین سے پوری دنیا میں پھیل گئی ہیں۔22دسمبر 2023 ءکو اقوام متحدہ کی 78ویں جنرل اسمبلی نے متفقہ طور پر ایک قرارداد منظور کی جس میں چین کے نئے سال کو اقوام متحدہ کی تعطیل کے طور پر نامزد کیا گیا۔ اور اس نئے سال کی مدت کے دوران، دنیا بھر میں متنوع جشن منائے گئے۔ چینی نئے سال کی شام سے پہلے، نیو ایئر لائٹ شو مسلسل پانچویں سال دنیا کی بلند ترین عمارت، دبئی میں برج خلیفہ پر نمودار ہوا، اور دبئی میں "پرتپاک استقبال بہار، خوش کن چینی سال پریڈ بھی ہوئی۔پولینڈ میں، نیشنل فلہارمونک نے 2024 ء کے چینی نئے سال کے کنسرٹ کی میزبانی کی، جس میں عوام کی جانب سے بے شمار داد وصول کی گئی۔ وینس، اٹلی میں، چائنہ کے نئے سال کا جشن منانے کیلئے سینٹ مارکس اسکوائر میں تہواروں کا انعقاد کیا گیا، جس میں روایتی چائنیز فیشن شوز، شیر اور ڈریگن کے رقص، اور مداحوں کے رقص کے علاوہ دیگر پرفارمنس بھی پیش کی گئیں۔ چین کا نیا سال کا جشن دنیا بھر میں پھیل رہا ہے، یہ تبادلے، باہمی سیکھنے اور مختلف تہذیبوں کی خوبصورتی کو برقرار رکھنے کیلئے بہترین ذریعہ ہے۔

(صاحب تحریر کراچی میں عوامی جمہوریہ چین کے قونصل جنرل ہیں)