اسرائیلی حملوں کے خلاف غزہ قرارداد پر سنی کونسل ارکان کی مخالفت

غزہ پر اسرائیلی حملوں کے خلاف تحریک قومی اسمبلی میں پیش ہوئی تو اسپیکر کے رائے لینے پر پاکستان تحریک انصاف (پی ٹی آئی) کی حمایت یافتہ سنی اتحاد کونسل کے ارکان نے دو بار ’نو‘ کہہ دیا۔

سنی اتحاد کونسل اراکین کی جانب سے قرارداد پر رائے دینے کے بعد اسپیکر ایاز صادق حیران رہ گئے، پوچھا کہ یہ غزہ کی قرارداد ہے، کیا آپ اس کی مخالفت کر رہے ہیں؟

سب جانتے ہیں پی ٹی آئی کی بنیاد میں اسرائیلی فنڈنگ ہے، شازیہ مری

شازیہ مری نے کہا کہ غزہ میں نسل کشی کے متعلق قرارداد کے خلاف پی ٹی آئی کھل کر سامنے آئی۔

 اسپیکر نے تحریک دوبارہ ایوان کے سامنے رکھی تو پھر کسی نے نو کی آواز لگا دی، اسپیکر نے کہا ہم نے نوٹ کرلیا ہے، کس نے نو کہا ہے۔

جب قرارداد باضابطہ منظوری کے لیے ایوان کے سامنے پیش کی گئی تو پھر کسی نے ’نو‘ کی آواز لگا دی، ایاز صادق بولے خدا کا واسطہ ہے اس کو تو متفقہ رہنے دیں۔