فرمان الہی
نماز کے اوقات
کراچی کے علاقے ناظم آباد نمبر ایک میں سیوریج لائن کی کھدائی کے دوران لگنے والی آگ اور ملیر درخشاں سوسائٹی میں گھر میں اچانک لگنے والی آگ پر قابو پا لیا گیا، دونوں واقعات میں کوئی جانی نقصان نہیں ہوا۔
ناظم آباد نمبر ایک سیوریج لائن کی کھدائی کے دوران آتشزدگی کے واقعہ پر فائر بریگیڈ کی ایک گاڑی نے قابو پایا۔
فائر بریگیڈ حکام کے مطابق ابتدائی معلومات کے مطابق آگ سیوریج لائن میں مبینہ گیس بھر جانے کے باعث لگی تاہم آگ لگنے کے نتیجے میں کوئی جانی نقصان نہیں ہوا۔
فائر بریگیڈ حکام کا بتانا ہے کہ ملیر درخشاں سوسائٹی گھر میں اچانک آگ بھڑک اٹھی، ایک فائر ٹینڈر نے موقع پر پہنچ کر آگ پر قابو پالیا، ابتدائی معلومات کے مطابق آگ شارٹ سرکٹ کے باعث لگی۔
