فرمان الہی
نماز کے اوقات
وفاقی آئینی عدالت نے بلوچستان میں ہیڈماسٹرز کی آسامی کے لیے کامیاب امیدواروں کے نام تاحکم ثانی شائع نہ کرنے کا حکم جاری کر دیا۔
چیف جسٹس وفاقی آئینی عدالت جسٹس امین الدین کی سربراہی میں 3 رکنی بینچ نے بلوچستان میں ہیڈماسٹر کی آسامیوں سے متعلق کیس کی سماعت کی۔
درخواست گزار فہیم خان کی جانب سے وکیل امان اللّٰہ عدالت کے سامنے پیش ہوئے۔
عدالت نے حکومت بلوچستان اور پبلک سروس کمیشن کو نوٹس جاری کرتے ہوئے حکم دیا کہ بلوچستان میں ہیڈماسٹرز کی آسامی کے لیے کامیاب امیدواروں کے نام تاحکم ثانی شائع نہ کیے جائیں۔
درخواست گزار نے محکمہ تعلیم میں ہیڈماسٹر کی آسامیوں اور بی ایڈ کی شرط کو نظر انداز کر کے نااہل امیدواروں کو امتحان میں بیٹھانے پر اعتراض اٹھایا تھا۔
بلوچستان پبلک سروس کمیشن پر دسمبر 2024ء کے اشتہار کی خلاف ورزی کا الزام ہے۔
