گنڈاپور صاحب آپکی بھی الٹی گنتی شروع ہوچکی، عظمیٰ بخاری

وزیر اطلاعات پنجاب عظمیٰ بخاری نے علی امین گنڈاپور کے دھمکی آمیز بیان پر ردعمل دیتے ہوئے کہا ہے کہ گنڈاپور صاحب آپکی بھی الٹی گنتی شروع ہوچکی ہے۔ 

انکا کہنا تھا کہ 9 مئی کے مقدمات میں اشتہاری شخص ہمیں دھمکیاں دے رہا ہے، تین دن قبل یہی علی مین گنڈاپور وزیراعظم کے سامنے منتیں کر رہے تھے۔ آج وہی وفاق اور پنجاب کو دھمکیاں دے رہے ہیں۔

علی امین گنڈاپور کی وزیراعلیٰ پنجاب، وفاقی حکومت کو دھمکی

خیبر پختونخوا کے وزیراعلیٰ علی امین گنڈاپور نے وزیراعلیٰ پنجاب مریم نواز اور وفاقی حکومت کو دھمکی دے دی ہے۔

عظمیٰ بخاری کا کہنا تھا کہ وفاق اور پنجاب کو دھمکیاں دینے کی بجائے اپنے صوبے کے عوام کا سوچیں۔

انہوں نے کہا کہ آپ چوری شدہ مینڈیٹ پر شارٹ ٹرم وزیراعلیٰ ہیں، آپ کا لیڈر آج چار مقدمات میں مجرم ثابت ہو چکا ہے۔ گنڈاپور صاحب آپکی بھی الٹی گنتی شروع ہوچکی ہے۔