• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اپنے فلسطینی بھائیوں کیساتھ کھڑا رہے گا، صدر مملکت

تازہ ترین
قومی خبریں
29 مارچ ، 2024
صدر آصف زرداری سے فلسطین کے سفیر احمد جواد ربیع نے ملاقات کی۔
صدر آصف زرداری سے فلسطین کے سفیر احمد جواد ربیع نے ملاقات کی۔

صدر مملکت آصف علی زرداری کا کہنا ہے کہ پاکستان اپنے فلسطینی بھائیوں کے ساتھ کھڑا رہے گا اور ہر فورم پر آواز بلند کرے گا، فلسطینی عوام بہادر ہیں، اسرائیلی قبضے کے خلاف طویل جدوجہد کر رہے ہیں۔

 صدر آصف زرداری سے فلسطین کے سفیر احمد جواد ربیع نے ملاقات کی، جس میں انہوں نے  غزہ کی پٹی میں اسرائیلی فوج کے مظالم اور دہشتگردی پر روشنی ڈالی۔

صدر آصف زرداری سے ایران کے سفیر ڈاکٹر رضا امیری مقدم کی ملاقات

ایرانی سفیر نے کہا کہ ایران پاکستان تاریخی، مذہبی، ثقافتی تعلقات وقت کے ساتھ مضبوط ہو رہے ہیں۔

آصف زرداری نے کہا کہ عالمی برادری فلسطینی شہریوں کے تحفظ کو یقینی بنائے، عالمی برادری غزہ تک انسانی امداد پہنچانے کیلئے کوششیں کرے، پاکستان فلسطینی عوام کیلئے خوراک، ادویات سمیت مزید امدادی سامان بھیجے گا۔

فلسطینی سفیر نےتعلیم کے شعبے میں پاکستان کی مدد کو سراہتے ہوئے کہا کہ  50 ہزار سے زائد فلسطینی پاکستان کے تعلیمی اداروں سے مختلف شعبوں میں گریجویشن کر چکے ہیں۔

قومی خبریں سے مزید