سلمان خان مجھے زیادہ پیسہ کمانے اور زیادہ کام کرنے کا مشورہ دیتے ہیں، رندیپ ہودا

بالی ووڈ کے اداکار رندیپ ہودا آج کل اپنی فلم سواتنتریہ ویر ساورکر کی پروموشن میں مصروف ہیں، انہوں نے بتایا کہ سلمان خان مجھے زیادہ پیسہ کمانے کا مشورہ دیتے ہیں۔

رندیپ ہودا سلمان خان کے ساتھ کک، سلطان اور رادھے میں کام کرچکے ہیں اپنے انٹرویو میں انہوں نے سپر اسٹار کے ساتھ کی گئی باتوں سے متعلق گفتگو کی۔

جیل میں 20 منٹ گزارنا بھی مشکل لگ رہا تھا، رندیپ ہودا

بالی ووڈ اداکار رندیپ ہودا نے اپنی آئندہ آنے والی فلم سوانتتریا ویر سوار فلم کی تیاری کے حوالے سے اپنے تجربات پیر کو سوشل میڈیا ایپ انسٹا گرام پر شیئر کی ہے۔

بھارتی یوٹیوبر رنویر الہ آبادیا کو دیے گئے انٹرویو میں رندیپ ہودا نے بتایا کہ سلمان خان مجھے زیادہ پیسہ کمانے اور زیادہ کام کرنے کا مشورہ دیتے ہیں۔ انہوں نے مجھے بتایا کہ اگر میں نے ابھی کام کرکے قسمت نہیں بنائی تو مستقبل میں مجھے پریشانیوں کا سامنا کرنا پڑ سکتا ہے۔

اداکار نے مزید بتایا کہ میں نے بہت کم لوگوں کی بات مانی ہے، لیکن سلمان خان  ہمیشہ مجھے دل سے مشورے دیتے ہیں، اگرچہ میں ان کے مشوروں کو سنتا ضرور ہوں مگر اپنی مختلف سوچ کی وجہ سے ان پر عمل نہیں کر پاتا۔

رندیپ ہودا نے ساورکر کا کردار ادا کرنے کیلئے 18 کلو وزن کم کرلیا

رندیپ ہودا نے کہا کہ مجھے اچھا لگتا ہے کہ اپنے کردار کے ہر طرح کے جذبات کی درست ادائیگی کرسکوں۔

انہوں نے اس انٹرویو میں اپنی جدوجہد اور فلم کی تیاری میں پیش آنے والی مشکلات سے متعلق بھی کھل کر بات چیت کی۔

رندیپ ہودا کی ہدایت کاری میں بننے والی پہلی فلم سواتنتریہ ویر ساورکر 22 مارچ کو ریلیز ہوئی۔ رندیپ اور اتکرش نیتھانی نے مل کر اس کا اسکرین پلے لکھا ہے۔ اسے آنند پنڈت موشن پکچرز اور رندیپ ہوڈا فلمز نے لیجنڈ اسٹوڈیوز اور آواک فلمز کے ساتھ مشترکہ طور پر تیار کیا ہے۔