فرمان الہی
نماز کے اوقات
فرانس کے 100 سے زائد ارکان پارلیمنٹ نے صدر ایمانویل میکرون سے اسرائیل کو ہتھیار فروخت کرنے پر پابندی کا مطالبہ کردیا۔
عرب میڈیا کی رپورٹ کے مطابق فرانسیسی پارلیمنٹ کے 115 ارکان نے صدر ایمانویل میکرون کو خط لکھ دیا، جس میں اسرائیل کو ہتھیار بیچنے پر پابندی عائد کرنے کا مطالبہ کیا ہے۔
پارلیمانی مراسلے میں کہا گیا کہ فرانس کو اسرائیل کی جاری بدترین نسل کشی میں شریک نہیں بننا چاہیے، غزہ پٹی میں اسرائیلی فورسز کی وحشیانہ حملوں کے باعث شہادتیں 33 ہزار سے تجاوز کرگئیں۔
اراکین پارلیمنٹ نے مطالبہ کیا کہ حکومت اسرائیل کو فراہم کردہ ہتھیاروں کی تفصیلات پارلیمنٹ میں پیش کرے۔
پارلیمانی مراسلے میں کہا گیا کہ فرانس کا ہتھیاروں کی فراہمی کےلیے اسرائیل کے ساتھ معاہدہ بین الاقوامی قوانین کی سنگین خلاف ورزی ہے۔
اس میں یہ بھی کہا گیا کہ فرانس کو فلسطینیوں کی نسل کشی کے لیے جاری اسرائیلی جرائم کا حصہ نہیں بننا چاہیے۔
