فرمان الہی
نماز کے اوقات
کراچی میں پولیس مقابلے کے دوران حساس ادارے کے افسر کو شہید کرنے والے اسٹریٹ کرمنل کو زخمی حالت میں گرفتار کرلیا گیا۔
ایس ایس پی کیماڑی فیضان علی کا کہنا ہے کہ گرفتار ملزم کے دوسرے ساتھی کی گرفتاری کے لیے چھاپے مارے جارہے ہیں۔
ایس ایس پی کیماڑی کے مطابق 31 مارچ کو شیر شاہ پل کے قریب موٹر سائیکل سوار دو مسلح ملزمان نے حساس ادارے کے افسر میجر سعد شیخ کو لوٹنے کے دوران مزاحمت پر فائرنگ کرکے زخمی کیا تھا۔
میجر سعد شیخ کو جسم کے مختلف حصوں پر چار گولیاں لگی تھیں، وہ 8 روز اسپتال میں زیر علاج رہنے کے بعد گذشتہ روز زخموں کی تاب نہ لاتے ہوئے شہید ہوگئے تھے۔
ایس ایس پی نے بتایا کہ گرفتار ملزم کی شناخت عثمان عرف چٹیا کے نام سے ہوئی جس کے قبضے سے آلہ قتل ایک عدد پستول اور گولیا برآمد ہوئی ہیں۔
