مہنگائی میں بتدریج کمی، خوراک کی قیمتوں میں اضافہ، دکانوں میں قیمتیں اب بھی زیادہ ہیں، لیبر

لندن (وجاہت علی خان) برطانیہ میں مہنگائی بتدریج کم ہو کر گزشتہ ڈھائی سال میں کم ترین سطح پر پہنچ چکی ہے، سرکاری اعداد و شمار کے مطابق کنزیومر پرائسز گزشتہ مارچ تک گر کر 3.2 فیصد تک بڑھ رہی تھیں لیکن اب افراط زر 2022 کے آخر میں 11.1فیصد تک پہنچنے کے بعد بتدریج گررہا ہے تاہم اس افراط زر کا مطلب یہ نہیں کہ مجموعی طور پر قیمتیں نیچے آ رہی ہیں بلکہ یہ کم تیزی سے بڑھ رہی ہیں ۔قومی دفتر برائے شماریات کے مطابق فروری اور مارچ کے درمیان کھانے کی اشیا کی قیمتوں میں اضافہ دیکھا گیا لیکن گوشت، کریمپٹس اور چاکلیٹ بسکٹ جیسی کھانے پینے کی اشیا کی قیمتوں میں کمی آ رہی ہے، جبکہ روٹی اور اناج کی قیمتوں میں اضافہ ہو رہا ہے، فروری اور مارچ کے درمیان گوشت کی قیمتوں میں 0.5 فیصد کمی واقع ہوئی فرنیچر اور گھریلو، جیسے صفائی کی مصنوعات کی قیمتوں میں بھی مارچ تک 0.9فیصد کی کمی واقع ہوئی۔ حالیہ برسوں میں بلند افراط زر کی وجہ توانائی کے بڑھتے ہوئے بل بھی ہیں، کورونا وائرس کے بعد تیل اور گیس کی زیادہ مانگ تھی، اور جب روس نے یوکرین پر حملہ کیا اورعالمی سپلائی کو کم کر دیا تو قیمتیں دوبارہ بڑھ گئیں، تنازع نے فروخت کے لیے اناج کی مقدار کو بھی کم کر دیا، جس سے خوراک کی قیمتوں میں اضافہ ہوا، اس کی وجہ سے کھانے اور غیر الکوحل والے مشروبات کی افراط زر گزشتہ سال مارچ میں 19.2فیصد کی بلند ترین سطح پر پہنچ گئی، جو 1970کی دہائی کے بعد سے دیکھی جانے والی بلند ترین سطح ہے جبکہ مہنگائی کی مجموعی شرح میں کمی آئی ہے،۔ دکانوں میں سامان اب بھی چند سال پہلے کے مقابلے کہیں زیادہ مہنگا ہے اور خریداروں کے لئے لاگت اس سطح پر واپس نہیں آتی جو وہ پہلےاستعمال کرتے تھے۔ اس ضمن میں ’’او این ایس‘‘ کے چیف اکانومسٹ گرانٹ فٹزنر نے کہا ہے کہ پچھلے مہینے ایندھن کی بڑھتی ہوئی قیمتوں سے کم لاگتیں ختم ہو گئی تھیں، فروری اور مارچ کے درمیان پڑول کی اوسط قیمت 2.6p فی لیٹر بڑھ کر £1.45پر پہنچ گئی ، ڈیزل کی قیمت بھی 2.8p فی لیٹر بڑھ کر £1.54ہوگئی جبکہ مارچ میں افراط زر کی مجموعی شرح ماہرین اقتصادیات کی توقع سے تھوڑی زیادہ تھی۔ چانسلر جیریمی ہنٹ نے ان اعداد و شمار کو خوش آئند خبر قرار دیا انہوں نے کہا کہ کم مہنگائی اور حکومت کی جانب سے ملازمین اور خود روزگار افراد کے لیے نیشنل انشورنس میں حالیہ کٹوتی کی وجہ سے، جو کہ 6 اپریل سے نافذ ہوا، ’’لوگوں کو فرق محسوس کرنا شروع کر دینا چاہیے اور ساتھ ہی اسے اپنی تنخواہ کے چیک میں بھی دیکھنا چاہیے‘‘ تاہم، لیبر پارٹی کی شیڈو چانسلر، ریچل ریوز نے کہا کہ کام کرنے والے لوگ اب بھی بدتر محسوس کریں گے، انہوں نے کہا کہ دکانوں میں قیمتیں اب بھی زیادہ ہیں، ماہانہ اقساط کے بل بڑھ رہے ہیں اور افراط زر اب بھی بینک آف انگلینڈ کے ہدف سے زیادہ ہے لبرل ڈیموکریٹس پارٹی کی ٹریژری کی ترجمان سارہ اولنی نے کہا کوئی بھی اپنی جیب میں اس کا نوٹس نہیں لے گا، وزیر اعظم رشی سوناک اور جیریمی ہنٹ نے ثابت کر دیا کہ وہ کس حد تک رابطے سے باہر ہیں، مذکورہ مہنگائی کے تازہ ترین اعداد و شمار 9مئی کو شرح سود پر بینک آف انگلینڈ کے اگلے فیصلے سے پہلے سامنے آئے ہیں، برطانیہ کا مرکزی بینک قیمتوں میں اضافے کو کم کرنے اور افراط زر کو اپنے 2فیصد ہدف پر واپس لانے کیلئے شرح سود میں اضافہ کر رہا ہے۔ گورنر اینڈریو بیلی نے کہا کہ بینک میں شرح متعین کرنے والوں کیلئے سوال یہ ہے کہ آنے والے مہینوں میں شرح سود میں کمی شروع کرنے سے پہلے مزید کتنے ثبوت کی ضرورت ہے، ان خیالات کا اظہار انہوں نے واشنگٹن ڈی سی میں بین الاقوامی مالیاتی فنڈ کے تازہ اجلاسوں میں کیا۔ ONS کے الگ الگ اعداد و شمار سے پتا چلتا ہے کہ نجی کرایوں میں مارچ سے 12 مہینوں میں 9.2فیصد اضافہ ہوا ہے، جو اب انگلینڈ میں اوسطاً £1,285ہے، اگلے مہینے کے مجموعی افراط زر کے اعداد و شمار میں اپریل کو پیچھے دیکھنے سے بڑی کمی کی توقع ہے کیونکہ توانائی کی کم قیمت کی حد کو مدنظر رکھا جاتا ہے، یہاں تک کہ گھرانوں کے ڈائریکٹ ڈیبٹ زیادہ رہتے ہیں۔