غزہ میں اسرائیلی بربریت جاری، 24 گھنٹوں میں 79 فلسطینی شہید

غزہ میں اسرائیلی بربریت جاری ہے، گزشتہ 24 گھنٹوں میں اسرائیلی حملوں میں 79 فلسطینی شہید ہوگئے۔ 

غزہ سے فلسطینی وزارت صحت کے مطابق گزشتہ 24 گھنٹوں کے دوران ہوئے حملوں میں 86 افراد زخمی بھی ہوئے۔ 

غزہ پر اسرائیلی جارحیت کے 200 روز، 34 ہزار سے زائد فلسطینی شہید

غزہ میں اسرائیل کے وحشیانہ حملوں کے 200 روز مکمل ہوگئے، اس دوران جنگی جرائم کی مرتکب اسرائیلی فوج نے 75 ہزار ٹن بارود غزہ پر برسایا۔

گزشتہ سال اکتوبر سے اب تک اسرائیلی حملوں میں شہید فلسطینیوں کی تعداد 34 ہزار 262 ہوگئی۔

غزہ میں اسرائیلی حملوں میں اب تک 77 ہزار 229 فلسطینی زخمی ہوچکے ہیں۔