لاہور ہائیکورٹ، عدت پوری کیے بغیر بیوی کی بہن سے شادی غیر قانونی قرار

لاہور(نمائندہ جنگ)لاہور ہائیکورٹ کے جسٹس طارق سلیم شیخ نے عدت پوری کیے بغیر بیوی کی بہن سے شادی کو غیر قانونی قرار دیدیا، 11 صفحات پر مشتمل تحریری فیصلے میں کہا گیا ہے کہ پہلی بیوی کی عدت مکمل ہونے سے پہلے اسکی بہن سے شادی کرنا دو بہنوں کو بیک وقت نکاح میں رکھنے کے مترادف ہے، اسلامی شریعت کے مطابق ایک شخص دو سگی بہنوں کو بیک وقت نکاح میں نہیں رکھ سکتا ہے۔