فرمان الہی
نماز کے اوقات
نیول چیف ایڈمرل نوید اشرف نے چین کی پیپلز لبریشن آرمی نیوی کے ہیڈکوارٹرز کا دورہ کیا ہے۔
پاک فوج کے شعبۂ تعلقاتِ عامہ (آئی ایس پی آر) کے مطابق دورے کے دوران سربراہ پاک بحریہ نے کمانڈر چینی بحریہ ایڈمرل ہو ژونگ منگ سے ملاقات کی ہے۔
ملاقات کے دوران دو طرفہ بحری تعاون اور علاقائی میری ٹائم سیکیورٹی کے امور پر تبادلۂ خیال کیا گیا۔
ملاقات میں نیول چیف نے میری ٹائم سیکیورٹی پیٹرول سے علاقائی امن و استحکام کے لیے پاک بحریہ کا کردار اجاگر کیا۔
کمانڈر چینی پیپلز لبریشن آرمی نیوی نے خطے کی میری ٹائم سیکیورٹی میں پاک بحریہ کے کردار کو سراہا اور مضبوط دو طرفہ بحری تعاون کی اہمیت پر زور دیا۔
آئی ایس پی آر کے مطابق نیول چیف ایڈمرل نوید اشرف کے دورے سے پاک چین تعلقات بالخصوص دفاعی تعلقات کو مزید وسعت ملے گی۔
