ایرانی صدر کی وفات پر کے پی اور بلوچستان میں آج سوگ منایا جا رہا ہے

ایرانی صدر ابراہیم رئیسی اور دیگر کی وفات پر خیبر پختونخوا اور بلوچستان میں آج سوگ منایا جا رہا ہے۔

خیبر پختونخوا حکومت کی جانب سے جاری کیے گئے اعلامیے میں کہا گیا ہے کہ ایرانی حکومت اور عوام سے اظہارِ یکجہتی کے لیے آج خیبر پختونخوا میں سوگ منایا جائے گا۔

اعلامیے کے مطابق سوگ میں خیبر پختونخوا میں قومی پرچم سرنگوں رہے گا۔

ایرانی ہیلی کاپٹر حادثہ، ذمہ دار کون؟ انگلی اٹھنا شروع، سازشی نظریات زندہ ہوگئے

کراچی امریکی، برطانوی اور بھارتی میڈیا رپورٹس...

خیبر پختونخوا حکومت کا کہنا ہے کہ سوگ کے دوران تمام سرکاری دفاتر کھلے رہیں گے۔

دوسری جانب حکومت بلوچستان نے کہا ہے کہ یوم سوگ پر صوبے بھر میں قومی پرچم سرنگوں رہے گا۔

واضح رہے کہ ایرانی صدر ابراہیم رئیسی اور وزیرِ خارجہ حسین امیر عبداللہیان ہیلی کاپٹر حادثے میں جاں بحق ہوگئے تھے، ان کے جسد خاکی گزشتہ روز ملبے سے ملے تھے۔