• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیدرلینڈز کے کرکٹر ویوین کنگما کو منفرد ہوم ایڈوانٹیج حاصل

سہیل عمران
تازہ ترین
کھیلوں کی خبریں
23 مئی ، 2024


نیدرلینڈز کے کرکٹر ویوین کنگما کو منفرد ہوم ایڈوانٹیج حاصل ہے، ان کا گھر کرکٹ گراؤنڈ میں ہی ہے۔

وور برگ کرکٹ کلب کے گراؤنڈ پر سہ فریقی کرکٹ سیریز کے میچز کھیلے جا رہے ہیں، جس میں نیدرلینڈز، اسکاٹ لینڈ اور آئرلینڈ کی ٹیمیں شریک ہیں۔

کرکٹ گراؤنڈ ویوین کنگما کے گھر کے عقبی حصے میں ہے، وہ گھر کے پچھلے حصے سے نکل کر گراؤنڈ میں چلے جاتے ہیں۔

ویوین کنگما فیملی سے نیک خواہشات لے کر گراؤنڈ آتے اور پھر واپس گھر آ جاتے ہیں، ان کو پریکٹس سیشن اور میچز کے لیے میلوں کی مسافت طے نہیں کرنا پڑتی۔

فاسٹ بولر ویوین کنگما کو ہیگ میں گھر کے ساتھ ہی تمام سہولتیں حاصل ہیں۔

ویوین کنگما اسکاٹ لینڈ کے خلاف پلیئر آف دی میچ قرار پائے تھے، انہوں نے 4 وکٹیں حاصل کی تھیں۔

کھیلوں کی خبریں سے مزید