آئی ایم ایف معاہدے کیلئے پیشرفت و اماراتی سرمایہ کاری، اسٹاک ایکسچینج میں مثبت رجحان

آئی ایم ایف سے اسٹاف لیول معاہدے کی جانب پیش رفت اور امارات کے 10 ارب ڈالرز کی سرمایہ کاری کی خبروں پر پاکستان اسٹاک ایکسچینج میں مثبت رجحان دیکھنے میں آ رہا ہے۔

کاروبار کے دوران ساڑھے 7 سو سے زائد پوائنٹس کا اضافہ ہوا ہے۔

پاکستان اسٹاک ایکسچینج کا 100 انڈیکس 773 پوائنٹس کے اضافے سے 75 ہزار 888 پر آ گیا۔

پاکستان سے اسٹاف لیول معاہدے کیلئے مناسب پیشرفت ہوئی: آئی ایم ایف

بین الاقوامی مالیاتی فنڈ (آئی ایم ایف) کا کہنا ہے کہ پاکستانی حکام اور آئی ایم ایف کے درمیان اسٹاف لیول معاہدے کے لیے مناسب پیش رفت ہوئی ہے۔

دورانِ کاروبار انڈیکس 75 ہزار 903 پوائنٹس کی بلندی کو بھی چھو گیا۔

گزشتہ روز کاروبار کے اختتام پر انڈیکس 75 ہزار 114 پوائنٹس پر بند ہوا تھا۔