• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آڈیو لیک کیس، علی امین گنڈاپور پر فرد جرم عائد کرنے کی کارروائی مؤخر

فائل فوٹو
فائل فوٹو

ڈسٹرکٹ اینڈ سیشن کورٹ اسلام آباد نے وزیرِ اعلیٰ خیبر پختونخوا علی امین گنڈاپور کے خلاف آڈیو لیک کیس میں فرد جرم عائد کرنے کی کارروائی مؤخر کر دی۔

علی امین گنڈاپور کے خلاف کیس کی سماعت ایڈیشنل سیشن جج عبدالغفور کاکڑ نے کی۔

شریکِ ملزم اسد خان اور علی امین گنڈاپور کے وکیل عدالت میں پیش ہوئے۔

عدالت نے علی امین گنڈاپور کی حاضری سے استثنیٰ کی درخواست منظور کرتے ہوئے فرد جرم کے لیے 6 جون کی تاریخ مقرر کر دی۔

واضح رہے کہ علی امین گنڈاپور کے خلاف تھانہ گولڑہ میں دھمکیاں دینے کی دفعات کے تحت مقدمہ درج ہے۔

قومی خبریں سے مزید