سندھ حکومت پر 9 ارب 20 کروڑ واجب ادا، فوری ادائیگی کی جائے، کےالیکٹرک کا خط

کےالیکٹرک نے حکومت سندھ اور واٹر بورڈ کی طرف سے جنوری سے بجلی کے بلوں کی عدم ادائیگی پر خط لکھ دیا۔

کےالیکٹرک نے بجلی بلوں کی عدم ادائیگی سے متعلق خط سیکریٹری خزانہ اور سیکریٹری توانائی سندھ اور میئر کراچی کو لکھا ہے۔

خط میں کہا گیا کہ واٹر اینڈ سیوریج بورڈ پر 5 ارب جبکہ سندھ حکومت پر مجموعی طور پر 9 ارب 20 کروڑ روپے واجب الادا ہیں۔

کےالیکٹرک نے خط میں موقف اختیار کیا کہ بجلی بلوں کی عدم ادائیگی کے باعث کمپنی کو مالی بحران کا سامنا ہے۔

خط میں مزید کہا گیا کہ مالی بحران کی وجہ سے نیٹ ورک کی مرمت میں مشکلات ہیں، فوری ادائیگی نہیں ہوئی تو شدید گرمی میں نیٹ ورک بیٹھ سکتا ہے۔