شاعر احمد فرہاد کی صحت ٹھیک نہیں، انہیں علاج کی ضرورت ہے: وکیل

شاعر احمد فرہاد کے وکیل ذوالقرنین نقوی نے بتایا ہے کہ شاعر احمد فرہاد کی صحت ٹھیک نہیں، انہیں علاج کی ضرورت ہے، تھانے کے اندر احمد فرہاد کا علاج ممکن نہیں ہے۔

یہ بات شاعر احمد فرہاد کے وکیل ذوالقرنین نقوی نے مظفر آباد میں میڈیا سے گفتگو میں کہی ہے۔

شاعر احمد فرہاد کی پیشی تک کیس بند نہیں ہو گا: اسلام آباد ہائیکورٹ

اسلام آباد ہائی کورٹ کے جسٹس محسن اختر کیانی کا کہنا ہے کہ شاعر احمد فرہاد کی اسلام آباد ہائی کورٹ میں پیشی تک کیس بند نہیں ہوگا۔

ان کا کہنا ہے کہ اسلام آباد ہائی کورٹ میں احمد فرہاد کی بازیابی کا معاملہ زیرِ سماعت ہے، یہاں کی عدالت سے ضمانت ہو گی تواحمد فرہاد اسلام آباد ہائی کورٹ میں پیش ہوں گے۔

شاعر احمد فرہاد کے وکیل ذوالقرنین نقوی کا یہ بھی کہنا ہے کہ کل انسدادِ دہشت گردی کی عدالت میں احمد فرہاد کے کیس کی سماعت ہو گی۔