فرمان الہی
نماز کے اوقات
نیشز کپ ہاکی ٹورنامنٹ میں پاکستان کو آخری گروپ میچ میں فرانس کے ہاتھوں شکست کا سامنا کرنا پڑ گیا۔
پولینڈ کے شہر جینزو میں کھیلے جارہے اس ٹورنامنٹ میں فرانس کی ٹیم نے پاکستان کو آخری گروپ میچ میں دلچسپ مقابلے کے بعد 5 کے مقابلے میں 6 گولز سے ہرادیا۔
قومی ٹیم اس شکست کے باوجود بہتر گول اوسط کی بنیاد پر ایونٹ کے سیمی فائنل میں پہنچ گئی، جہاں اس کا مقالہ ہفتے کونیوزی لینڈ سے ہوگا۔
گروپ ٹو سے پاکستان اور ملائیشیا کے 4، 4 پوائنٹس رہے اور پوائنٹس کے اعتبار سے دونوں ہی ٹیمیں دوسرے نمبر پر تھیں، تاہم بہتر گول اوسط کی بنیاد پر قومی ٹیم نے فائنل فور میں جگہ بنالی۔
پاکستان نے گروپ کے تین میچوں میں 17 گول کیے جبکہ اسکے خلاف 11 کیے گئے۔
دوسری جانب ملائیشیا کی ٹیم نے تین میچوں میں 9 گول کیے جبکہ اسکے خلاف بھی اتنے ہی گول ہوئے۔
نیشنز کپ کا فائنل 9 جون کو ہوگا، فاتح ٹیم پرو لیگ کیلئے کوالیفائی کرے گی۔
