فرمان الہی
نماز کے اوقات
کراچی پورٹ سے متحدہ عرب امارات (یو اے ای) کے لیے بک کنٹینر سے نایاب جنگلی پودے گگرال کی گوند برآمد کرلی گئی۔
کنزرویٹر محکمہ جنگلی حیات کے مطابق کراچی پورٹ میں گیٹ وے ٹرمینل پر محکمہ تحفظ جنگلی حیات اور اینٹی نارکوٹیکس فورس (اے این ایف) نے کارروائی کی۔
کنزرویٹر کے مطابق پورٹ کے ایک کنٹینر سے نایاب جنگلی پودے گگرال کی گوند برآمد کی گئی، جو یو اے ای کےلیے بک کرایا گیا تھا۔
محکمہ جنگلی حیات کنزرویٹر کے مطابق کنٹینر میں 355 بوریوں میں 17ہزار 935 کلو گرام گگرال گوند ہے۔
کنزرویٹر کے مطابق یہ پودا کیرتھر نیشنل پارک، رن آف کچھ، گورکھ ہلز اور بلوچستان میں پایا جاتا ہے۔
محکمہ جنگلی حیات کے مطابق یہ پودہ انتہائی خشک موسم میں اپنی نشونما قدرتی طور پر کرتا ہے، گوند کےحصول کےلیے کیمیکل کا استعمال گگرال کی بقا خطرے میں ڈال رہا ہے۔
