ٹی20 ورلڈ کپ: لاڈرہل میں کینیڈا بھارت میچ بھی بارش کے باعث منسوخ

ٹی ٹوئنٹی ورلڈ کپ میں بھارت اور کینیڈا کا مقابلہ بھی بارش کے باعث منسوخ ہوگیا۔ 

گروپ اے سے امریکا کے علاوہ بھارتی ٹیم بھی پہلے ہی سپر ایٹ مرحلے کےلیے کوالیفائی کرچکی ہے جبکہ کینیڈا کی ٹیم ایونٹ میں اپنا آخری میچ کھیل رہی تھی۔ 

تاہم مسلسل بارش اور آؤٹ فیلڈ گیلی ہونے کے سبب بغیر کوئی گیند پھینکے میچ منسوخ کردیا گیا۔ 

بابر اعظم اور محمد رضوان سب سے بڑے ذمہ دار ہیں، احمد شہزاد

جیو نیوز کے پروگرام ’آج شاہزیب خانزادہ کے ساتھ‘ میں بات کرتے ہوئے احمد شہزاد نے کہا کہ پاکستان ٹیم کو ذاتی سنگ میل لے ڈوبی ہے۔

واضح رہے کہ امریکی ریاست فلوریڈا کے علاقے لاڈرہل میں شیڈول یہ تیسرا میچ بھی بارش کی نذر ہوا۔ 

اس سے قبل سری لنکا نیپال میچ اور پاکستان کےلیے انتہائی اہمیت کا حامل امریکا آئرلینڈ میچ بھی بارش کی نذر ہوا۔ 

علم میں رہے کہ اسی میدان پر چوتھا اور آخری میچ پاکستان اور آئرلینڈ کے درمیان کھیلا جانا ہے اور اس میچ میں بھی بارش کا امکان بتایا جارہا ہے۔