• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں سے چارلڑکیوں سمیت 7افراد اغواء

میرا شہر
اسلام آباد
20 جون ، 2024
راولپنڈی (سٹاف رپورٹر)راولپنڈی کے مختلف علاقوں سے چارلڑکیوں سمیت 7افراد کو اغواء کر لیا گیا۔ تھانہ ائرپورٹ کو شبانہ یعقوب نے بتایاکہ میرا 14 سالہ بھائی محمد قاسم جس کی ذہنی کیفیت تھوڑی کمزور ہے 16جون کو گھر سے نکلا اور تاحال واپس نہ آیا۔ مجھے شک ہے کہ بشیر اور اس کے د و بیٹوں نے مل کر میرے بھائی کو اغواء کرلیا ۔تھانہ روات کو عدنان بنارس نے بتایا کہ اس کی بیوی (ر) کو کسی نے اغواء کر لیا ۔ تھانہ پیر ودھائی کوخضر حسین نے بتایا کہ میرا 12 سالہ بیٹا محمدعمر،تھانہ پیرودھائی کو حیدر علی نے بتایاکہ اس کی بیٹی (م)عمر17سال ،تھانہ وارث خان کو جمیل مسیح نے بتایا کہ اس کی17سالہ بیٹی (ک) اغواء ہو گئی۔تھانہ نصیرآبادکو چودھری ذوالقرنین نے بتایاکہ اس کی بیٹی (ہ) عمر17سال کو نعمان نامی لڑکے نے اغواء کر لیا۔تھانہ آراے بازار کو مصطفیٰ خان نے بتایا کہ میراچچامحمدزرین 14 جون سے لاپتہ ہیں۔
اسلام آباد سے مزید