پشاور: زبردستی فیڈرز چلانے پر رحمان بابا گرڈ اسٹیشن میں فالٹ پیدا ہوگیا

پشاور میں زبردستی فیڈرز چلانے پر رحمان بابا گرڈ اسٹیشن میں فالٹ پیدا ہوگیا، فالٹ کے باعث گرڈ اسٹیشن سے 32 فیڈرز کو بجلی کی سپلائی منقطع ہوگئی۔

شاندانہ گلزار نے گرڈ اسٹیشن جا کر زبردستی بجلی بحال کروادی

شاندانہ گلزار کارکنوں کے ہمراہ متنی گرڈ اسٹیشن پہنچیں، جن علاقوں میں لوڈشیڈنگ کی جارہی تھی، وہاں کی بجلی زبردستی بحال کروا دی ۔

پشاور الیکٹرک سپلائی کمپنی (پیسکو) کے ترجمان کا کہنا ہے کہ دن 2 بجے مظاہرین زبردستی گرڈ میں داخل ہوئے اور فیڈر چلائے، زبردستی فیڈرز چلانے سے سسٹم اوور لوڈ ہوا اور بجلی کی ترسیل معطل ہوئی، مشتعل مظاہرین نےپیسکو عملے سے تلخ کلامی کی، موبائل فون چھین لیے۔

ترجمان پیسکو کا کہنا ہے کہ پیسکو ٹیم مرمتی کام میں مصروف ہے، بجلی کی بحالی میں گھنٹوں لگ سکتےہیں، مظاہرین کے مسلسل عمل دخل سے صارفین کی پریشانیوں میں اضافہ ہو رہا ہے۔