فرمان الہی
نماز کے اوقات
بھارتی ریاست تامل ناڈو میں زہریلی شراب سے 55 افراد کی ہلاکت میں ملوث مرکزی ملزم کو گرفتار کرلیا گیا۔
بھارتی میڈیا کے مطابق رواں ہفتے تامل ناڈو کے ایک گاؤں میں زہریلی شراب سے کئی لوگ ہلاک ہوگئے تھے جس کے بعد سے ہر گزرتے دن کے ساتھ زیر علاج افراد موت کے منہ میں جارہے ہیں۔
بھارتی میڈیا کے مطابق اس واقعے میں اب تک مجموعی طور پر 55 افراد ہلاک ہوچکے ہیں۔ پولیس کو گرفتار ملزم پر شک ہے کہ اسی نے گاؤں میں زہریلی شراب سپلائی کی۔
بھارتی حکام کے مطابق گزشتہ روز تک 3 افراد کی حالت سنبھل گئی تھی تاہم اب بھی درجنوں افراد کی حالت خراب ہے۔ اس واقعے کے بعد 3 افراد کو پہلے ہی حراست میں لے لیا گیا تھا۔
