وزیراعظم شہباز شریف کا مون سون میں متوقع سیلابی صورتحال کی خود نگرانی کا فیصلہ

وزیراعظم شہباز شریف نے مون سون میں متوقع سیلابی صورتحال کی خود نگرانی کرنے کا فیصلہ کیا ہے۔

وزیراعظم کی زیرِ صدارت مون سون میں ہنگامی صورتحال سے نمٹنے کیلئے جائزہ اجلاس ہوا جس میں انہوں نے مون سون کے دوران تمام متعلقہ اداروں کو ہائی الرٹ رہنے کی ہدایت کردی۔

وزیراعظم نے مون سون سے متعلق ہنگامی صورتحال سے نمٹنے کیلئے کمیٹی بھی قائم کردی۔

وزیراعظم شہباز شریف تاجکستان کے 2 روزہ دورے پر روانہ

وزیراعظم شہباز شریف تاجکستان کے 2 روزہ دورے پر روانہ ہوگئے۔

وزیراعظم شہباز شریف نے کہا ہے کہ این ڈی ایم اے تمام صوبائی حکومتوں و متعلقہ اداروں کی معاونت کرے، لوگوں کو مون سون کے حوالے سے پیشگی اطلاعات کی فراہمی یقینی بنائی جائے۔

انہوں نے یہ بھی کہا کہ کسانوں اور دریاؤں و ندی نالوں کے گرد و نواح کے لوگوں کو روزانہ کی بنیاد پر پیشگی اطلاعات دی جائیں۔