الیکشن کمیشن نے پی ٹی آئی انٹراپارٹی انتخابات کیس سماعت کیلئے مقرر کردیا

 

الیکشن کمیشن نے پاکستان تحریک انصاف (پی ٹی آئی) انٹراپارٹی الیکشن کیس 23 جولائی کو سماعت کیلئے مقرر کردیا ہے۔

چیف الیکشن کمشنر کی سربراہی میں 5 رکنی الیکشن کمیشن کیس کی سماعت کرے گا۔

الیکشن کمیشن نے کبھی نہیں کہا پی ٹی آئی سیاسی پارٹی نہیں ہے، ذرائع الیکشن کمیشن

ذرائع الیکشن کمیشن کے مطابق الیکشن کمیشن نے پی ٹی آئی کے انٹراپارٹی الیکشن کو درست قرار نہیں دیا،

ذرائع کا کہنا ہے کہ الیکشن کمیشن نے تحریک انصاف کے چیف الیکشن کمشنر اور دیگر کو نوٹس جاری کر دیے، الیکشن کمیشن کے پولیٹیکل فنانس ونگ نے انٹراپارٹی الیکشن پر سوالات اٹھائے ہیں۔

الیکشن کمیشن ذرائع کا کہنا ہے کہ تحریک انصاف الیکشن کمیشن کے سوالات پر کمیشن کو مطمئن کرے گی۔