فرمان الہی
نماز کے اوقات
کراچی (جنگ نیوز) معروف اولمپئین اور ہاکی پلیئر اختر رسول نے کہا ہے کہ گنیزبک آف ورلڈ ریکارڈ میں میرا نام درج ہے۔ اپنے پلیئرز کی گرین جرابیں دیکھ کر گیند پاس کرتا تھا۔ خیالات کا اظہار اُنہوں نے ”جیونیوز“ کے پروگرام ”ایک دِن جیو کے ساتھ“ میں گفتگو کرتے ہوئے کیا۔ پروگرام کے میزبان سہیل وڑائچ کے مختلف سوالوں کا جواب دیتے ہوئے اُن کا مزید کہنا تھا کہ دوسری شادی چار ماہ تک چھپا کر رکھی تھی۔ اداکار محمد علی کی تمام فلمیں دیکھتا تھا۔ ہاکی کو بحال کرنے کیلئے سابق کھلاڑی ہی کار آمد ہوسکتے ہیں۔ نوازشریف چاہیں گے تو سیاست میں دوبارہ متحرک ہو جاؤں گا۔ تفصیلی گفتگو ناظرین اتوار کی شام 7 بجکر 5 منٹ پر دیکھ سکیں گے۔
