• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

9 مئی جلاؤ گھیراؤ کیس، شاہ محمود قریشی پر فرد جرم عائد

آج کا اخبار
ملک بھر سے
16 جولائی ، 2024
لاہور(آئی این پی)انسداد دہشت گردی عدالت نے 9مئی کو تھانہ شادمان جلانے کے مقدمے میں رہنما تحریک انصاف شاہ محمود قریشی پر فرد جرم عائد کردی ۔انسداد دہشت گردی عدالت کوٹ لکھپت جیل لاہور میں 9مئی کو تھانہ شادمان جلانے کے مقدمے کی سماعت ہوئی، جس میں فاضل جج خالد ارشد نے ملزم شاہ محمود قریشی پر فرد جرم عائد کرتے ہوئے آئندہ سماعت پر گواہان کو طلب کر لیا ۔عدالت نے شاہ محمود قریشی پر فرد جرم عائد کرتے ہوئے کیس کی سماعت 22 جولائی تک ملتوی کردی۔قبل ازیں پی ٹی آئی رہنما اور سابق وزیر خارجہ شاہ محمود قریشی کو سخت سکیورٹی میں 9مئی سے متعلق مقدمات کی سماعت کے سلسلے میں کوٹ لکھپت جیل پہنچایا گیا تھا۔ انہیں انسداد دہشت گردی عدالت نے فرد جرم کی کارروائی کے لیے طلب کررکھا تھا۔شاہ محمود قریشی پر تھانہ شادمان جلاؤ گھیراؤ سمیت دیگر مقدمات ہیں۔
ملک بھر سے سے مزید