• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انٹرنیشنل پریس انسٹی ٹیوٹ کی صحافی ملک حسن زیب کے قتل کی مذمت

تازہ ترین
قومی خبریں
18 جولائی ، 2024
فائل فوٹو
فائل فوٹو

انٹرنیشنل پریس انسٹی ٹیوٹ نے نوشہرہ میں قتل کیے گئے صحافی ملک حسن زیب کے قتل کی مذمت کی ہے۔

آئی پی آئی نے پاکستان میں صحافیوں پر بڑھتے تشدد پر گہری تشویش کا اظہار کرتے ہوئے کہا کہ ملک حسن زیب سال 2024 میں قتل ہونے والے پاکستان کے آٹھویں صحافی ہیں۔

عالمی ادارے نے کہا کہ صحافی ملک حسن زیب کو 14 جولائی کو نوشہرہ میں فائرنگ کر کے قتل کیا گیا۔

انٹرنیشنل پریس انسٹی ٹیوٹ نے قتل کی فوری تحقیقات اور ذمے داروں کو کٹہرے میں لانے کا مطالبہ کرتے ہوئے کہا کہ حکام جلد ملک حسن زیب کے قتل کے محرکات کی فوری اور مکمل تحقیقات کریں۔

آئی پی آئی کا کہنا ہے کہ حکام اس بات کو یقینی بنائیں کہ ذمے داروں کو انصاف کے کٹہرے میں لایا جائے۔

انٹرنیشنل پریس انسٹی ٹیوٹ نے اپیل کرتے ہوئے کہا کہ پاکستانی حکام صحافیوں کی حفاظت یقینی بنانےکے لیے ٹھوس اقدامات کریں۔

قومی خبریں سے مزید