گلوبل ٹی 20 لیگ، بابر، رضوان اور شاہین کو این او سی نہ ملنے کا امکان

کراچی(اسٹاف رپورٹر) کینیڈا میں اس ماہ کھیلی جانے والی گلوبل ٹی ٹوئنٹی لیگ کو آئی سی سی نے تاحال منظوری نہیں دی ہے، ذرائع کا کہنا ہے کہ کئی معاملات کی وجہ سے آئی سی سی نے لیگ کی منظوری روکی ہوئی ہے، ٹورنامنٹ جو 25جولائی سے 6 اگست سے کھیلا جائے گا۔ جس میں چھ فرنچائز کی ٹیمیں حصہ لے رہی ہیں۔ دوسری جانب میڈیا رپورٹ کے مطابق پی سی بی کی جانب سےکینیڈا کی گلوبل ٹی ٹوئنٹی کے لیے قومی کھلاڑیوں بابر اعظم، شاہین شاہ آفریدی اور محمد رضوان کو این او سی ملنے کا امکان کم ہے۔ذرائع کے مطابق کینیڈا کی لیگ کسی سیریز سے متصادم نہ ہونے کے باوجود تینوں کھلاڑیوں کو این او سی ملنے کا امکان نہیں ہے۔ذرائع کا بتانا ہے کہ آل فارمیٹ پلیئرز کے لیے پی سی بی کی پالیسی کی وجہ سے ان کھلاڑیوں کو این او سی نہیں دیا جائے گا، پی سی بی آل فارمیٹ پلیئرز کو مصروف انٹرنیشنل شیڈول کی وجہ سے این او سی دینے کے حق میں نہیں، حال ہی میں نسیم شاہ کو بھی آل فارمیٹ پلیئر کی وجہ سے دی ہنڈرڈ کے لیے این او سی نہیں ملا۔