دھرنا جاری رہے گا اور احتجاج بھی جاری رکھا جائے گا، لیاقت بلوچ

جماعت اسلامی کے مرکزی رہنما لیاقت بلوچ کا کہنا ہے کہ دھرنا جاری رہے گا اور احتجاج بھی جاری رکھا جائے گا، مذاکرات کا دوسرا دور کل یا پرسوں ہوگا، حکومت کو سنجیدگی دکھانا پڑے گی۔

راولپنڈی میں حکومتی اراکین سے مذاکرات کے بعد لیاقت بلوچ نے کہا کہ جماعت اسلامی کا دھرنا 3 روز سے جاری ہے، ہم عوام کے مسائل کے حل کےلیے نکلے ہیں، مذاکرات کےلیے حکومت کی جانب سے دو بار ہم سے رابطہ کیا گیا۔

جماعت اسلامی نے حکومت کے سامنے مطالبات رکھ دیے، مذاکرات جاری

جماعت اسلامی اور حکومت کی مذاکراتی کمیٹیاں کمشنر آفس پہنچ گئیں۔

لیاقت بلوچ نے کہا کہ آج مذاکراتی کمیٹی کا پہلا اجلاس خوشگوار ماحول میں ہوا، ہم نے حکومتی مذاکراتی کمیٹی کو بتایا کہ یہ ہمارا ذاتی دھرنا نہیں ہے، آئی پی پیز ملکی معیشت کےلیے موت کا پروانہ بن چکے ہیں۔

رہنما جماعت اسلامی نے کہا کہ حکومتی مذاکراتی کمیٹی نے بتایا کہ بین الاقوامی معاہدے ہیں جبکہ ایسا نہیں ہے، ہمارے بین الاقوامی معاہدے چین کے ساتھ ہیں اور چین ہمارا دوست ہے۔

لیاقت بلوچ نے مزید کہا کہ حکومتی مذاکراتی کمیٹی نے کہا کہ ایک ٹیکنیکل کمیٹی بنائیں گے۔