• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
05 اگست ، 2024

ٹیکس ……

میں ٹیکس بھر بھر کے تھک چکا ہوں۔

مزید ٹیکس دینے کے بجائے مرنا چاہتا ہوں،

میں نے سینئر ایگزیکٹو گورکن کو بتایا۔

بہت خوب، گورکن نے داد دی۔

انتقال کے دن اور وقت کا فیصلہ بعد میں کرونگا۔

لیکن قبر آج بک کرانا چاہتا ہوں،

میں نے چیک بک نکالی۔

کارنر والی قبر لیں گے یا درخت فیسنگ؟

کوئی بھی سستی والی۔

سب سے سستی پانچ لاکھ کی ہے۔

پانچ لاکھ؟ میری آنکھیں پھٹ گئیں۔

جی ہاں، گورکن نے سر ہلایا،

قبر کا پلاٹ تو دس ہزار کا ہے،

چار لاکھ نوے ہزار قبر ٹیکس دینا پڑے گا۔

تازہ ترین