-
فرمان الہی
-
نماز کے اوقات
- پیر29؍محرم الحرام 1446ھ 5؍اگست 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان کرکٹ بورڈ (پی سی بی) نے ڈومیسٹک کرکٹ سیزن 25-2024 میں تین نئے چیمپئنز ٹورنامنٹس کا اعلان کر دیا۔
اس حوالے سے چیئرمین پی سی بی محسن نقوی نے کہا ہے کہ ڈومیسٹک چیمپئنز کپ ہر سال ہوگا، چیمپئنز کپ میں 5 ٹیمیں شرکت کریں گی، چیمپئنز کپ میں انٹرنیشنل کھلاڑی بھی کھیلیں گے۔
انہوں نے کہا کہ تینوں فارمیٹس میں چیمپئنز کپ ون ڈے، چیمپئنز کپ ٹی ٹوئنٹی اور چیمپئنز کپ فرسٹ کلاس منعقد ہوں گے، نئے ڈومیسٹک سیزن میں فرسٹ کلاس اور دیگر میچوں کی تعداد میں بھی اضافہ ہو گا۔
محسن نقوی کا کہنا ہے کہ مجھے آئے ہوئے چند ماہ ہوئے، پاکستان کا ڈومیسٹک اسٹرکچر برا نہیں ہے، جس میں تبدیلی کی ضرورت نہیں، ڈومیسٹک اور انٹرنیشنل کا بہت گیپ ہے۔
چیئرمین پی سی بی نے کہا کہ ڈومیسٹک کھلاڑیوں کے معاوضوں اور میچ فیس میں بھی اضافہ کر دیا گیا، کیٹگری ون کے کھلاڑی کو ساڑھے 5 لاکھ روپے ملیں گے، پچھلے سیزن میں یہ معاوضہ 3 لاکھ روپے تھا۔
ان کا مزید کہنا ہے کہ ثنا میر کو کہا ہے کہ آئیں اور ویمن کرکٹ کے لیے کام کریں، کرکٹ کا مجھے کتنا پتہ نہیں یہ وقت بتائے گا، ٹارگٹ یہی ہے کرکٹ کو بہتر کریں۔
محسن نقوی نے یہ بھی کہا کہ چیف سلیکٹر کھلاڑیوں کا انتخاب میرٹ پر کریں، ٹیم میں بہترین کھلاڑیوں کا انتخاب کیا جائے۔
