• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وادیٔ تیراہ کے شہید لیفٹیننٹ عزیر محمود ملک سپردِ خاک

تازہ ترین
قومی خبریں
12 اگست ، 2024
وادیٔ تیراہ کے شہید لیفٹیننٹ عزیر محمود ملک سپردِ خاک

وادیٔ تیراہ میں خوارج سے فائرنگ کے تبادلے میں شہید ہونے والے لیفٹیننٹ عزیر محمود ملک کو سپردِ خاک کر دیا گیا۔

پاک فوج کے شعبۂ تعلقاتِ عامہ (آئی ایس پی آر) کے مطابق لیفٹیننٹ عزیر محمود ملک شہید کو آبائی علاقے میں مکمل فوجی اعزاز کے ساتھ سپردِ خاک کیا گیا۔

شہید کی نمازِ جنازہ اور تدفین میں پاک فوج کے سینئر افسران، جوانوں اور شہداء کے لواحقین شریک ہوئے۔

وادیٔ تیراہ میں زخمی ہونیوالے لیفٹیننٹ عزیر محمود ملک شہید ہو گئے

وادی تیراہ میں زخمی ہونے والے لیفٹیننٹ عزیر محمود ملک شہید ہو گئے۔

نمازِ جنازہ اور تدفین میں عمائدینِ علاقہ کی بڑی تعداد نے بھی شرکت کی۔

آئی ایس پی آر کے مطابق شہداء کی یہ قربانیاں دہشت گردی کے خلاف ہمارے عزم کو مزید مضبوط کرتی ہیں۔

واضح رہے کہ 9 اگست کو خوارجیوں سے مقابلے میں زخمی ہونے والے لیفٹیننٹ عزیر محمود ملک گزشتہ روز شہید ہو گئے۔

لیفٹیننٹ عزیر محمود شہید کا تعلق اٹک سے تھا، وہ سی ایم ایچ پشاور میں زیرِ علاج تھے۔

خوارجیوں سے وادیٔ تیراہ میں مقابلے میں 4 خوارجی مارے گئے تھے جبکہ لیفٹیننٹ عزیر محمود ملک زخمی ہوئے تھے۔

قومی خبریں سے مزید