غزہ پر اسرائیلی جارحیت جاری ہے، جس کے دوران صہیونی فوج کے وحشیانہ فضائی حملوں میں آج 19 فلسطین شہید ہوگئے۔
دیر البلاح میں ایک حملے میں 6 افراد شہید ہوئے، جن میں ماں اور اس کے جڑواں چار دن کے بچے بھی شامل تھے۔
جبکہ قریبی البریج کیمپ میں ایک مکان پر حملے میں 7 فلسطینی شہید ہوئے، وسطی غزہ کی پٹی اور جنوبی رفح میں المغازی کیمپ پر دو الگ الگ حملوں میں 4 فلسطینی شہید ہوئے۔
شمال میں غزہ شہر کے شیخ رضوان محلے میں ایک حملے میں 2 فلسطینی شہید ہوئے۔
فلسطینی وزارت صحت کے مطابق غزہ کی جنگ میں اسرائیلی جارحیت کے دوران اب تک تقریباً 40 ہزار فلسطینی شہید ہوچکے ہیں۔