پیپلز پارٹی کے رہنما سابق وزیرداخلہ سینیٹر عبدالرحمان ملک نے کہا ہے کہ عبدالستار ایدھی ایک عظیم انسان تھے ، حکومت خدمت کا اعلی ترین اعزاز عبدالستار ایدھی کے نام سے جاری کرئے ۔
رحمان ملک کراچی میں ایدھی ہوم میٹھادر پہنچے، اور عبدالستارایدھی کے صاحبزادے فیصل ایدھی سے ان کے والد کے انتقال پر تعزیت کا اظہار کیا ۔
اس موقع پر میڈیا سے گفتگو میں رحمان ملک نے کہا کہ پیپلزپارٹی کا ہر جیالہ ایدھی فاؤنڈیشن کے لیے کام کرے گا، وہ خود بھی ایک رضاکار کی حیثیت سے ایدھی فائونڈیشن سے منسلک ہیں ۔
رحمان ملک نے کہا کہ مجھے یہ اعزاز حاصل ہے کہ ایدھی صاحب کی درخواست پر میں نے لاوارث بچوں کی ولدیت کا معاملہ حل کیا، اب لاوارث بچوں کی ولدیت کے خانے میں عبدالستار ایدھی اور بلقیس ایدھی کا نام درج کیا جاتا ہے۔
انہوں کہا کہ ایدھی ویلیج سہراب گوٹھ میں بجلی کی فراہمی کے معاملے پر وفاقی اور صوبائی حکومت سے بات کروں گے، اس موقع پر فیصل ایدھی نے کہا کہ ایدھی ویلج ایدھی فاؤنڈیشن کا سب سے بڑا منصوبہ ہے وہاں پر فوری بجلی فراہم کی جائے۔
فرمان الہی
نماز کے اوقات
