چیف جسٹس بلوچستان ہائی کورٹ نے چمن میں ہیضے کی وبا پھیلنے کا نوٹس لے لیا

بلوچستان ہائی کورٹ کے چیف جسٹس محمد ہاشم خان کاکڑ نے چمن میں ہیضے کی وبا پھیلنے کا نوٹس لے لیا۔

اس حوالے سے جاری اعلامیہ کے مطابق سیکریٹری و ڈائریکٹر جنرل (ڈی جی) صحت کو وبا کے پھیلاؤ کو روکنے کےلیے اقدامات کی ہدایت کی گئی ہے۔

چیف جسٹس بلوچستان ہائی کورٹ کا کہنا ہے کہ وبا کی ویکسین و ادویات کی فراہمی کو یقینی بنایا جائے۔