ملیر میں ریتی، بجری چوری کی شکایات، کراچی پولیس چیف کا انکوائری کا حکم

کراچی( اسٹاف رپورٹر ) ایڈیشنل آئی جی ، کراچی پولیس چیف جاوید عالم اوڈھو نے ملیر میں ریتی، بجری چوری کی شکایات کے معاملے کا سختی سے نوٹس لیتے ہوئے ڈی آئی جی ایسٹ غلام اظفر مہیسر کو فوری انکوائری کرنے کا حکم دیا ہے۔ایڈیشنل آئی جی کراچی جاوید عالم اوڈھو نے ڈی آئی جی ایسٹ غلام اظفر مہیسر سے تین دن میں رپورٹ طلب کی ہے۔انہوں نے سختی سے اس غیر قانونی کام کو فوری طور پر بند کرنے کے احکامات جاری کیے ہیں۔ ان کا کہنا تھا کہ کوئی بھی پولیس اہلکار اگر اس میں ملوث پایا گیا تو اس کے خلاف سخت محکمہ جاتی کارروائی عمل میں لائی جائےگی۔