• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
26 اگست ، 2024

بکواس 

کرکٹ ٹیسٹ سے زیادہ بکواس کھیل آج تک ایجاد نہیں ہوا،

ڈوڈو نے اسٹیڈیم سے واپسی پر اعلان کیا۔

لیکن کیوں؟ میں نے دریافت کیا۔

دونوں ٹیموں کے کرکٹر پانچ دن تک جان مارتے ہیں۔

پھر بھی کوئی نتیجہ برآمد نہیں ہوتا،

ڈوڈو نے اعتراض کیا۔

ہاں، یہ تو سچ ہے، میں نے سر کھجایا۔

اگلی بار ہم کرکٹ میچ نہیں دیکھیں گے۔

اس کے بجائے فٹبال میچ دیکھنے جائیں گے،

ڈوڈو نے فیصلہ سنایا۔

میں انکار نہ کر سکا۔

اگلے ہفتے ہم فٹبال میچ دیکھنے گئے۔

دونوں ٹیموں نے خوب جان ماری۔

مقابلہ بغیر کسی گول کے برابر رہا۔

تازہ ترین