گورنر سندھ کامران ٹیسوری نے چہلمِ کے مرکزی جلوس کا جائزہ لیا

گورنر سندھ کامران ٹیسوری نے کہا ہے کہ چہلم امام حسینؓ کے لیے سیکیورٹی کے بھرپور انتظامات یقینی بنائے گئے ہیں۔

کامران ٹیسوری چہلم امام حسینؓ کے موقع پر نشتر پارک پہنچے، جہاں انہوں نے چہلم امام حسینؓ کے مرکزی جلوس کے انتظامات کا جائزہ لیا۔

میڈیا سے گفتگو کے دوران انہوں نے کہا کہ گزشتہ روز پیش آنے والے واقعے میں ملوث عناصر کی جَلد نشاندہی کر لی جائے گی، مختلف مکاتب فکر کے علمائے کرام کو ادراک ہے گزشتہ روز کا واقعہ ایک سازش ہے۔

کراچی: گولیمار میں مذہبی جماعت کی ریلی گزرنے پر کشیدگی، فائرنگ سے 2 افراد جاں بحق

پولیس کے مطابق ایک مذہبی جماعت کی ریلی گولیمار کے علاقے سے گزر رہی تھی، جہاں پہلے سے ایک مذہبی جماعت کا کیمپ لگا تھا۔

گورنرہاﺅس کا کہنا ہے کہ میں کنٹرول روم قائم کر دیا گیا ہے، آئی جی سندھ اور ایڈیشنل آئی جی کراچی سمیت دیگر سیکیورٹی اداروں کے اعلیٰ افسران رابطے میں ہیں، ان شاء اللّٰہ ہم سب مل کر ان سازشوں کو ناکام بنا دیں گے۔

انہوں نے مزید کہا کہ اس سازش کا مقصد شہر کے امن و امان کی فضا کو خراب کرنا ہے، شہر میں امن و امان کے قیام کے لیے سیکیورٹی اداروں نے اپنی جانیں قربان کیں، سیکیورٹی فورسز کی قربانیاں کسی صورت بھی رائیگاں جانے نہیں دیں گے۔