پاکستان میں کرکٹ کو کیا ہو گیا ہے؟ کیون پیٹرسن

انگلینڈ کے سابق ٹیسٹ کرکٹر کیون پیٹرسن نے پاکستان کرکٹ پر تبصرہ کرتے ہوئے کہا ہے کہ پاکستان میں کرکٹ کو کیا ہو گیا ہے؟ 

سماجی رابطے کی ویب سائٹ ایکس پر جاری کیے گئے پیغام میں کیون پیٹرسن نے کہا ہے کہ جب میں نے پی ایس ایل کھیلی تب لیگ کا معیار بہت شاندار تھا۔

کیون پیٹرسن کا کہنا ہے کہ کھلاڑیوں کے کام کرنے کا انداز اچھا تھا اور نوجوان صلاحیتوں کا مظاہرہ کرتے تھے۔

انہوں نے اپنے پیغام میں یہ بھی لکھا ہے کہ اب وہاں کیا ہو رہا ہے؟

راولپنڈی ٹیسٹ، بنگلادیش نے پاکستان کو شکست دیدی

راولپنڈی ٹیسٹ میں بنگلادیش نے پاکستان کو 10 وکٹوں سے شکست دے دی۔

واضح رہے کہ گزشتہ روز بنگلادیش نے پہلی بار پاکستان کو ٹیسٹ کرکٹ میں شکست دی تھی۔

راولپنڈی میں کھیلے گئے پہلے ٹیسٹ میچ میں قومی ٹیم دوسری اننگز میں 146 رنز بنا کر آؤٹ ہو گئی تھی اور مہمان ٹیم کو جیت کے لیے صرف 30 رنز کا ہدف دیا تھا جو انہوں نے بغیر کسی کھلاڑی آؤٹ کے حاصل کر لیا تھا۔