کولکتہ زیادتی قتل کیس، ملزم پولیس کے تلاش کرنے پر بھی پریشان نہیں ہوا تھا

بھارتی ریاست مغربی بنگال کے شہر کولکتہ میں زیر تربیت ڈاکٹر کے ساتھ زیادتی اور قتل کے مقدمے میں گرفتار ملزم سنجے رائے نے پولیس کی جانب سے تلاش کیے جانے کی اطلاع ملنے کے باوجود کسی قسم کی پریشانی ظاہر نہیں کی۔

9 اگست 2024 کو کولکتہ کے آر جی کار میڈیکل کالج اسپتال میں 31 سالہ پوسٹ گریجویٹ تربیتی ڈاکٹر کے ساتھ زیادتی اور قتل کا واقعہ پیش آیا۔ وہ اسپتال کے سیمینار ہال میں چہرے پر زخموں کے ساتھ مردہ پائی گئی تھیں۔

کولکتہ ڈاکٹر زیادتی قتل کیس کے ملزم کو جیل کے وی آئی پی وارڈ میں رکھا گیا، رپورٹ

جیل حکام کے مطابق، رائے نے اپنے سیل میں لے جانے کے بعد کچھ نہیں مانگا۔ وہ جیل کا معمول کا کھانا بھی کھا رہا تھا۔

جس کے بعد  پولیس نے سنجے رائے نامی ایک شخص کو گرفتار کرلیا تھا، ملزم  کولکتہ پولیس کا شہری رضاکار بھی ہے اسے 10 اگست کو گرفتار کیا گیا تھا۔

بھارتی میڈیا کے مطابق ملزم کو وارادات کے اگلے دن واقعہ کی جگہ کے سی سی ٹی وی فوٹیج میں اسے پہچانا گیا تھا۔ 

ابتدائی تفتیش کے دوران، سنجے رائے نے انکشاف کیا کہ وہ شراب پینے کا عادی ہے اور جرم کے وقت نشے کی حالت میں تھا۔

میڈیا رپورٹ کے مطابق جرم کرنے کے بعد ملزم سنجے رائے کولکتہ آرمی پولیس کے چوتھے بٹالین کے بیرکس میں گیا تھا، جہاں پولیس اہلکار نے اس کے رہنے کا انتظام کیا تھا، جس کے بعد اگلے روز یعنی 10 اگست کو صبح اٹھ کر دوبارہ شراب پینے کے بعد وہ سونے کیلئے چلا گیا تھا۔

کولکتہ ڈاکٹر زیادتی قتل کیس میں حیران کن انکشافات سامنے آگئے

میڈیا رپورٹ کے مطابق مرکزی تحقیقاتی ادارہ اس بات کا پتہ لگانے پر توجہ مرکوز کر رہا ہے کہ سرکاری اسپتال کے سیمینار ہال میں یہ جرم

جس کے بعد  سنجے رائے کو اس کے دوست نے بتایا کہ آر جی کار اسپتال میں کچھ ہوا ہے اور پولیس اسے تلاش کر رہی ہے، مگر اس کے باوجود بھی ملزم نے معاملے کو سنجیدگی سے نہیں لیا اور دوبارہ شراب پینے لگا۔

پولیس نے اپنے بیرکس میں ملزم کی موجودگی کی اطلاع پر اسے گرفتار کر لیا تھا، وہ اس وقت شراب کے  نشے میں تھا۔ طبی معائنے میں اس کے ہاتھ اور ران پر خراشیں پائی گئی تھیں، جو ظاہر کرتی ہیں کہ متاثرہ ڈاکٹر نے اس کے ساتھ مزاحمت کی تھی۔

رپورٹ کے مطابق تفتیش کے دوران پولیس نے ملزم کے موبائل فونز قبضے میں لیے اور جرم کی جگہ سے ملے بلوٹوتھ ہیڈفون کو تمام ملزمان کے موبائل فونز کے ساتھ جوڑا گیا، تاہم اس دوران بلو ٹوتھ سنجے رائے کے فون کے ساتھ خود بخود منسلک ہوگیا تھا، جس نے اس کی فوری گرفتاری کو یقینی بنایا۔

کلکتہ: خاتون ڈاکٹر کے جسم پر 16 بیرونی، 9 اندرونی زخم، موت کی وجہ بھی سامنے آگئی

رپورٹ کے مطابق، متاثرہ خاتون کے نجی حصوں میں چوٹوں کے نشانات بھی موجود ہیں، ڈاکٹر کی موت سے قبل اس پر تشدد بھی کیا گیا تھا۔

پولیس کی جانب سے پوچھ گچھ کرنے پر سنجے رونے لگا اور اپنے جرم کا اعتراف کرتے ہوئے مطالبہ کرنے لگا کہ اسے پھانسی دے دی جائے۔ حراست میں اس نے واقعے کی رات سڑک پر ایک اور خاتون کے ساتھ بھی چھیڑ چھاڑ کرنے کا اعتراف کیا۔

تاہم پولیس ذرائع کا بتانا ہے کہ اگلے ہی روز جب وہ پولیس اہلکاروں کو جرم کی تفصیلات بتارہا تھا تو اس کے چہرے پر کوئی پشیمانی نہیں تھی۔

پولیس کی ابتدائی تحقیقات کے بعد کولکتہ ہائی کورٹ کے احکامات پر سی بی آئی نے کیس سنبھال لیا ہے۔  ملزم سنجے رائے 6 ستمبر تک عدالتی تحویل میں جیل ہے۔