فرمان الہی
نماز کے اوقات
اسلام آباد (نمائندگان جنگ ) صدر مملکت آصف علی زرداری اور وزیراعظم شہباز شریفنے یوم دفاع پاکستان کے موقع پر اپنے الگ الگ پیغامات میں ملک کا دفاع کرنے والے غازیوں اور شہداء کو خراج عقیدت پیش کرتے ہوئے کہا ہے کہ پاکستان کو سیکورٹی چیلنجز کا سامنا ہے ، مسلح افواج کو خراج تحسین پیش کرتے ہیں ، بدقسمتی سے مسئلہ کشمیر کا حل نہ ہونا خطے میں قیام امن کی راہ میں بڑی رکاوٹ ہے۔ اپنے پیغام میں صدر آصف علی زرداری نے کہا کہ آج پاکستان کو بہت سے سکیورٹی چیلنجز اور خطرات کا سامنا ہے دشمن ممالک پاکستان مخالف عناصر کی حمایت کر کے ملک کو نقصان پہنچانے پر تلے ہوئے ہیں ہم دہشت گردی ختم کرنے کیلئے سکیورٹی فورسز کے ساتھ ہیں، ہم بیرونی جارحیت کے خلاف ملک کا دفاع کرنے والے اور عظیم قربانیاں پیش کرنے والے غازیوں اور شہداء کو خراجِ عقیدت پیش کرتے ہیں۔
