وزیراعظم شہباز شریف کی چوہدری نثار کے گھر آمد، ہمشیرہ کے انتقال پر تعزیت

وزیراعظم شہباز شریف اسلام آباد میں سابق وفاقی وزیر چوہدری نثار علی خان کے گھر پہنچے اور ان کی ہمشیرہ کے انتقال پر اظہار افسوس کیا۔ 

اس موقع پر وزیراعظم نے مرحومہ کے ایصالِ ثواب کےلیے دعا کی اور کہا اللّٰہ تعالیٰ مرحومہ کے درجات بلند کرے اور اہلِ خانہ کو صبر عطا کرے۔

وفاقی وزیراطلاعات و نشریات عطاء اللّٰہ تارڑ بھی اس موقع پر وزیراعظم کے ہمراہ تھے۔